Kryetari i Kuvendit të Kosovës, Kadri Veseli pas takimit më shefat e grupeve parlamentare ka treguar që seanca e sotme do të vazhdojë ditën e nesërme.

“Në rrethanat në të cilat jemi vazhdimi i seancës do të jetë ditën e nesërme”, ka thënë ai, raporton Arbresh.info.

Seanca është ndërprerë për shkak të mungesës së kuorumit pasi Vetëvendosje dhe LDK e lëshuan sallën.

Këtë veprim dy partitë opozitare e bënë pasi nuk u miratuan rekomandimet e interpelancës lidhur me Vendimin e Qeverisë së Kosovës nr.04/20 të datës 20.12.2017 për rritjen e pagave të anëtarëve të Kabinetit qeveritar, Vendimin nr. 05/24 i datës 12 janar 2018, për rritjen e pagave për të gjitha kategoritë e të punësuarave që marrin paga nga buxheti i Kosovës, si dhe Vendimi nr. 15/24 i datës 12 janar 2018 për lartësinë e pagesës mujore për familjet në Skemën e Ndihmave Sociale./Arbresh.info